ڈبل شفٹ والے اسکول صبح ساڑھے 8 سے 12 اور دوسری شفٹ 1 سے 4 بجے تک ہوگی: نوٹیفکیشن
لاہور : محکمہ تعلیم پنجاب نے رمضان المبارک کے لیے سکولوں کے اوقات کار کا نوٹیفکیشن جاری کر دیا ہے۔
محکمہ تعلیم کی جانب سے جاری نوٹیفکیشن کے مطابق پیر سے جمعرات تک تمام اسکول صبح 8:30 سے ایک بجے تک کھلیں گے اور جمعۃ المبارک کو اسکولوں میں ساڑھے 12 بجے چھٹی ہوگی۔
تازہ ترین نوٹیفکیشن میں بتایا گیا ہے کہ ڈبل شفٹ والے اسکول صبح ساڑھے 8 سے 12 اور دوسری شفٹ ایک سے چار بجے تک ہوگی
تازہ ترین نوٹیفکیشن کے مطابق طالبات کو 15 منٹ پہلے چھٹی دی جائے گی اور نئے اوقات کار کا اطلاق پنجاب بھر کے تمام سرکاری اور پرائیویٹ اسکولوں پر ہوگا۔
